لما يبقى أقصى طموحك إنك تشهر بيا ..عايزك تستمر لأن عشوميتك بتغسلنى من جوه بص ياعم أنا فى يوم 7 فى شهر يوليو اللى بعد كام شهر دول هيبقى عندى 41 سنة .. من ساعة ماوعيت على الدنيا أكتر حاجة عملتها فى حياتى إنى أشتغل على نفسى وأطلع أحسن نسخة من نفسى وكل ما بوصل للى حلمت بيه مش بقف بجدد الشغف تانى وبحلم تانى لما بقع بقوم ببص لنفسى فى المرايه وبضحك وبقول ولا أول مرة ولا هتكون أخر مرة المهم انى وقفت على رجلى ومكمل أبويا وأمى تعبوا فى تريبتى مش عشان أنا إبن عاق والعياذ بالله لكن أقصد إنهم عملوا كل حاجة وأى حاجة عشان يطلعوا أحسن نسخة منى عمرى ماكنت إبن لحوح أو متطلب” كثير الطلبات” لأن قسما بالله الحاجة كانت بتجيلى قبل ما أحلم بيها وقسما بالله تانى كنت ببقى نايم بحلم بشنطة ولا بجزمة وأول ما أقوم من النوم ألاقى أبويا بيفتح باب الشقة وجايبلى اللى شفته فى الحلم .مش بعز نفسى على حد ولا بقول إنى أحسن واحد فى الدنيا بس أنا أتربيت فى أعمق بيئة سوية
ممكن تتخيلها كفاية عليا لما حد بيسأل عليا الرد بيكون ده إنسان محترم
مش هأقول إن لازم يبقى فيه إجماع بس لو دققت فى اللى بيهاجمنى هيطلع مثلا حد فاسد أنا نشرت فساده ده مش معناه إنى ضد النقد بس إوعى تفتكر إنك لما تشهر بيا فى عيلتى فى شغلى فى نقابة الصحفيين حتى هأخاف وأقول يامى يامى يامى لأ هأسحب كرسى واقعد اتفرج عليك وممكن أضحك ضحكة ممزوجة بالشفقة لأنك حتى الفشل فشلت فيه
هذه الرسالة ليست موجهة لشخص بعينه ولكنها موجهة لكل من يظن متوهما أنه عندما يشهر بالأخرين سيكون ناجحا بينما الواقع إنه يبلط فى البحر
القطار بيقف يستنى فى محطات أنا مش بقف ومش بستنى حد .. هأغرقك فرص فوق خيالك وهأقعد أتفرج عليك وإنت بتضيعها واحدة ورا التانية وهأسيبك تمشى بس وإنت ماشى إقفل الباب وراك كويس عشان لو رجعت تخبط لو عملت قرد مش هأفتحلك
هترتاح كتير جدا لما تتصالح مع نفسك ويبقى عندك يقين إنك لما تتعرض لموقف صعب ده شىء مش وحش بالعكس شىء عميق جدا لو عملت حاجة وحشة فى حياتك واتعرضت للموقف ده يبقى تخليص ذنوب لو كنت شايف انك معملتش اللى يستدعى انك تتعاقب كده فحقك هيجيلك هيجيلك
إسحب كرسى واقعد أتامل فى الكون حواليك وإجذب لنفسك الطاقة الإيجابية
