مان من وانا لسه شاب ورور كده ومحفلط قولت انا لو وصلت لسن ٢٦ سنه ومتجوزتش هكمل حياتي عازب لاني كنت دايما نفسي ان اخلف بدري كده وابقي انا وعيالي طول بعض ونبقي زي اخوات مش اب وابنه وكنت بحلم ان لما ابني يدخل الجامعه اكمل انا دراسات عليا ونبقي مع بعض في الجامعه ونلبس مع بعض وكلها احلام شباب وزي ما تقول كده ربك سمع الدعا وبالفعل بقيت انا وولادي طول بعض ودولبنا مفتوحه علي بعض وعشان مطولش عليك ندخل في الموضوع
يوم خميس بقي وسهران شويه وراجع البيت طبعا وقبل ما ادخل ظابط حالي ماسح كل سجلات التليفون رغم ان التليفون معمول بصمة وكمان رمز واللي ناقص اكهربه عشان محدش يلسمه رغم ان تليفوني طاهر لكن الامر ما يسلمش يا كبير وطبعا عديت علي القهوه اخدت مسحه من دخان الشيشه عشان تغلوش علي برفانات قد تكون علقت بملابسي اي والله زمبقولك كده رغم اني كل سهراتي رجال بس برضه لعدم اختلاط الامر بين برفان رجالي ولا حريمي وداخل يا حبيب اخوك وكلي ثقه وقلعت هدومي وزي كل الرجاله المصريين علقت هدوي لا شماعة ايه بقولك زي الرجاله المصريين ايون بالظبط كده علي الكرسي وتليفونك رميته علي الكومودينو طبعا ما خلاص بقي الدنيا تمام
وتاني يوم يجي يوم الغسيل العالمي اعاده الله عليكم باليمن والبركات
وعلي غفله اسمع صوت اشبه بصوت الرعد يوم نوة قاسم بتاعت اسكندريه واقوم مفجوع واحط ايدي علي لا قلبي مين ركز معايا احط ايدي علي التليفون الأمر مايسلمش تليفوني جني الله ايه الموضوع
الاقيها داخله علبا
تذكرتين تذكرتين لو تذكره واحده كنا قولنا ماشي الراجل بغرفه علي نفسه شويه وبيحب السينما ودخل يتفرج لكن تذكرتين قولي بقي روحت مع مين وماسكه التذكرتين اللي قدام حضرتك زي ما هو موضح أمامك
مسكت التذكرتين اقولها بتوع مين دول ترد تقولي والله يا اخويا علمي علمك معرفش جم في جيب الجاكت بتاعك ازاي ولا اكون انا اللي حطيتطهملك عشان البسك قضيه وحلف ميت يمين اني لا دخلت سينما ولا شوفت التذاكر ولا هما بتوعي اصلا وبما اني معروف في الاوساط العائليه والجبرانيه والصحوبيه اني عاشق السينما فالموضوع لابس فيه والقضية مقفوله ضبه ومفتاح والحرز متشمع بالشمع الأحمر
طبعا هي سابتني وخرجت من الاوضه زي ضابط المباحث لما يسيب المتهم لحد ما اعصابه تبوظ ويعترف من اول قلم دخل عليا بلال ابني وانا ماسك التذاكر وعمال ابص فيها وكانها اخر نظره لطالب قبل دخول لجنة الامتحان
قالي ايه ده جبتهم منين دول قولتله معرفش امك جابتهملي قالي اه انا نسيتهم في جيب الجاكت وكأنه نطق بحكم البراءه طبعا بصوت جهوري هز ارجاء المنزل تعالي بقي شوفي التذكرتين بتوع مين دخلت طبعا عشان تسمع الاعتراف بلال قالها انا يا ماما دخلت السينما امبارح والتذكرة نسيتها في جيب الجاكت
لحظات من الصمت سادت المكان كله قولت الحمدلله خلصنا
راحت بصالي وبصه للواد وقالتله كبرت وبتداري عليه صحيح ما انتو رجاله زي بعض
ومن هنا حلفت ميت يمين ما ٨لبس مع العيال دي تاني وقررت انقل هدومي كلها من الرف الاخير المخصص ليا في الدولاب للشماعه اللي ورا الباب
