كتبت : هدير أبو عميرة
“مرام” ست عندها ٣١ سنة وأم لبنتين وبتشتغل مدرسة … من سنة اتجوزت رجل أعمال عنده طفل وعاشوا مع بعض مع أطفالهم الثلاثة. من أسابيع جوزها اتخانق معاها وخنقها من رقبتها لدرجة أن حصلها قطع في البلعوم وكدمتت حوالين رقبتها عشان زي ما قال في التحقيقات “كان” متعصب وما حسش بنفسه”… هل الجريمة بتنتهي هنا؟ لأ الزوج بدل ما يجري بيها على مستشفى احتجزها في البيت ٥ أيام وكان بيدور على دكاترة أونلاين عشان تعالجها، ولما فشل خدها للمستشفى بعد 5 أيام كاملة عندها فيهم قطع في البلعوم بطول 8 سم، واللي اتسبببها في صديد ونزيف، وتعفن في القصبة الهوائية والبلعوم واللي كان صعب يتلحق لما راحت المستشفى.. وماتت. أم في بداية حياتها اتقتلت بعد معاناة طويلة وصعبة وسابت وراها طفلتين فقدوا مامتهم للأبد بسبب شخص مجرم
