فى كتابه “شيء من هذا القبيل ” كشف الأديب إبراهيم أصلان عن شخصيات روايته ” مالك الحزين”، واللى تحولت لعمل سينمائى عام 1991 “الكيت كات”، والأبطال عايشهم الأديب فى حى الكيت كات، أهم شخصيات الرواية كان الشيخ حسنى -جسد الشخصية محمود عبد العزيز- اللى مش مصدق إنه كفيف.. اسمه الحقيقى الشيخ عبد المحسن موسى محمد، وكان من أوائل دفعته فى معهد الموسيقى العربية، وعمل مدرس تربية موسيقية فى إحدى المدارس، وبسبب إدمانه للمخدرات استغنت المدرسة عنه مع صرف راتبه الشهرى كامل.
وكتب إبراهيم أصلان عن بعض مواقف الشخصية، وأكد حدوثها ركوبه للعجل والموتوسيكلات، وكلامه أمام فى الميكروفون فى عزاء عم مجاهد بتاع الفول اللى فضح فيه أهل الحى كلهم، وكان موقف الميكرفون سبب تركه الكيت كات وإمبابة وسكن فى حى بولاق أبوالعلا، ولما اشتد عليه المرض طلب من ابنه يركب تاكسى ويزور الكيت كات، وطلب من ابنه ينبهه لما يوصلوا لشارع السوق، وفى شارع السوق أطلع براسه على الشارع على أمل يشوفوه أصدقائه، وبعدها مات.
